Die Vertriebenen in der Oberlausitz
Die Ufabank
Oam Kachelufa ganz entlang do stoand die aale Ufabank. Dervor a bunter Vorhang hing. Die Banke woar a praktisch Ding. Die teppe, wie die eiserren Pfoanna, die foannda Ploatz durt wie die koanna. Ma soah doas Zeug ne, doas woar kloar, weil oalles hingerm Vorhang woar. Doch uf dar Bank, dam woarma Platza, do soaßa Oma und doas Katzla. Besondersch wenn doas Water schlecht, woarn beeda dieser Ploatz sehr recht. Die Oma warmte sich a Ricka und toat durt ganne Strimpe stricka. Und dernaba ihre Koatze bewegt ´doas Wullknäuel mit dar Toatze. Die Ufabanka woar a Ding oan dam derheeme jeder hing. Fier ihre Dienste soag ich danke ins´rer aala Ufabanke. Oals ich die Heimat hoab besucht do hoab ich au oan sie geducht. Oalsich ei ins `rer Kiche stoand, die Ufabanka ninne foand. Die Koatze is schunt lange tut. Die Oma urf donrn Karchhof ruht.Weil sich verändert hoat die Welt, ma die Erinn´rung gern behält.
Vorsitzender des Heimatbundes
Hubertus Schwertner
02730 Ebersbach
M.-Niemöller-Straße 19
Telefon/Fax 03586 365259
